Bada kantu bat umetan ikasi genuena, Urtezahar egunean Ataunen behintzat kantatzen zena eta orain ere kantatzen dena, hala etxez etxeko kantu eskean, nola etxeko afalondoan. “Berri onakin gera” izenez da ezaguna.
Zaharra ondo amaitu eta berriari sasoiz eta ilusioz heldu! Urteberri on!
1- Berri onakin gera
jendeak etorri
aingeruak zerutik
digute(i) ekarri.
2- Guk ere eman behar
diogu alkarri
hain dan zoragarria
imajina hori.
3- Oraingo notizia
egia klaro da
aingeruaren esana
ezin leike duda.
4- Egun onak ematen
hasten gera gaurtik
bihar zelebratzeko
egun urte berri.
5- Pasatu behar degu
egun haundi hori
alabantzak ematen
zeruko erregeari.
6- Honek merezi dittu
baten lekuan bi
beraren etorrera
santifika bedi.
7- Adanek eta Ebak
hutsegiteagatik
desterratuak gaude
gu paradisutik.
8- Balle triste honetan
egon behar beti
ez bazaigu etortzen
Mesias zerutik.
9- Profetak aditzera
eman zuen lehenago
Mesias prometittua
etortzeko dago.
10- Galilean dagoen
familia hori
zeru lurren kreadore
degu agintari.
11- Ordena eman zioten
hango jendeari
Belengo errebistara
presentatu bedi.
12- Errebista pasata
etorri zan gaua
hain zan ikusgarria
hango jende pilla.
13- Beste diran guztiak
Erretira dira
Jose eta Maria
ostatuaren billa.
14- Hamazazpi etxetan
egin zuten oles
alojamenturikan
izango zan galdez.
15- Haibeste habitante ta
lekurik eman ez
Josepe triste dago
penaz ta dolorez.
16- Josek esaten dio
bere Mariari
estalpe bat badakitt
eta segi neri.
17- Estalpe bat badakit
eta segi neri
hantxe deskantsatuko
zera triste hori.
18- Portaletik kanpora
estalpe batean
han alojatu ziren
ganadu artean.
19- Estrabilla horretan
Jose eta Maria
hantxe pasatu zuten
beren aparia.
20- Ailegatu zanean
gauaren erdia
Jesus hirugarrena
zuten familian
21- Askatxo batean da
lasto biguingarri
hantxe sortua degu
Infante eder hori.
22- Infante horren ama
beti hoa dago
kristalik garbiena
baino garbiago
23- Gaueko hamabiak
jo duten orduan
gure salbatzaillea
jaio da munduan.
24- Belengo portaleko
estalpe batean
umil jaio da Jesus
ganadu artean.
25- Astoa eta idia
dauzka aldamenean
arnasaz berotzeko
hoztutzen danean.
26- Zeru lurren jabea
izanik behori
abere hoien artean
pobre bat dirudi.
27- Kristalean argia
garbi da pasatu
lehen eta gero ere
dontzella gelditu.
28- Zerutarrak ai dira
musikea jotzen
aingeruzko pilla bat
gloriaz kantatzen.
29- Artzaiak salto salto
mendian barrena
Jesus adoratzera
ahal dan laisterrena.
30- Artzaiak belauneko
Jesus adoratzen
Jose eta Maria
begira zoratzen.
31-Guk ere adora zagun
bihotzetik hemen
gero bizi gaitezen
alkarrekin AMEN.
