Korsikan nago, NPLDren presidente eta Eusko Jaurlaritzako Hizkuntza Politikarako sailburuorde gisa gonbidatuta. Izan ere, euskararen biziberritzea lehen mailako erreferentzia da gaur egun Europan eta munduan, eta Europako Aliantza Librearen (EAL) asanblea orokorraren baitan Europako hizkuntza politikei buruz egindako jardunaldian parte hartu dut gaur goizean, bi mintzalditan zehazki. Horien helburua Europako lurralde ezberdinetako hizkuntza politiketako kudeaketa-esperientzia aurreratuenak ezagutaraztea izan da, Korsikako Gobernuak (Colectivité Territorial de Corse deritzanak) horiek ezagutu nahi baititu ondoren indarrean zeintzuk jarri erabakitzeko. Nirekin batera, Mark Demesmaeker, Europako Aliantza Libreko Flandriako eurodiputatua, Belgikako hizkuntza kontuez aritu dena; Fflur Gwenddydd Arwel, galesaren egoera hizpide izan duena; eta Korsikako Gobernuko Hizkuntza Politikarako ministro Saveriu Luciani mintzatu dira bertan.
Korsikako Hizkuntza Politikarako ministro Saveriu Lucianirekin.
Mahaikide izan gara Fflur Gwenddydd Arwel (Galesekoa, EFAko presidente ordea); Mark Demesmaeker (Flandria, eurodiputatua); Saveriu Luciani (Korsika, Hizkuntza Politikarako ministroa) eta ni neu. Moderatzailea Antonia Luciani korsikarra izan da.
Gaur goizean Aiacciu-n egindako ekitaldiko irudietako bat.
